Beranda Lapak Rang Kasok Pukang dan Janji Para Binatang

Pukang dan Janji Para Binatang

pukang
Di zaman soisuik, tasobuklah nagori para pukang. Somaso itu banyak nagori para binatang lainnyo nan bakondak ikue bakeh pukang. Monuruk koba nan didonga, carito nan di podapek, bohaso  ka sodo binatang, ndak ado nan bo ikue..

Kecuali pukang alias Kukang..

Korono bumi lah boransue somak, kayu lah boransue tenggi, mako payahlah binatang nak momanjek karono ndak mampunyoi ikue, apolagi moniti dahan, korono indak ado ikue untuik panyeimbang. Tomasuak payah untuek duduek.

Mako tobiklah pongona dek para binatang untuik poi ka nogori Kukang, momintak ikue. Sobab hanyo Kukang nan lai bo ikue panjang dan ikuenyo banyak pulo bo cabang- cabang..

pukang

Singkek corito, boumbuiklah Pukang atau Kukang tu dek binatang- binatang nan nio momintak ikue Kukang. Bobagai caro  dan bobagai umbuak disampaikan pado Kukang, asa Kukang nomuah moagih ikuenyo ka binatang lainnyo..

Ado nan ma opok opok, monyobuk maso inyo bodunsanak jo Kukang.Ado nan mongatokan kito sa suku mah !. Ado lo nan mongecekkan bobolohan dokek jo amak Kukang. Cukuk ragam umbuiek umbai, soroto jonji-jonji manyih. Nan pontiang ikue tu dapek dari Kukang..

Tapi ado pulo nan moncimeeh. Dan ndak soketek pulo do nan moadu- adu, mo-asuang-asuang, atau momatahan Kukang. Dek binatang nan olun mandapekan ikue, bokecek-en maso ikue Kukang tu tingga sokenek leh, indak monakah sokenek tio do. Rancaklah diagihan ka nan lain sajo. Itu baru monakah penampilan Kukang ,nyo binatang nan lain mongatoan sorontak.

Mondonga itu bo pobagi bagienlah dek Kukang ikuenyo ka sotiok binatang nan datang. Kasudahannyo, hinggo abihlah ikue pukang cako.                                                                                    Akhianyo…

Monengok cigak, boruik, atau siamang lah lomak duduik morenggeh di ateh itan, tamonuanglah si Kukang. Tampak  pulo harimau lah ka mari poi, ka niak ka kian, mongaum jadi rang bagak, sobab dek lah bo ikue, di situ baru sosa tibo di hati Kukang..

Tomonuang Kukang cako, kironyo awak lah dikicueh urang. Jonji-jonji nan dikatoan tiok binatang cako, tonyato ciek tio nan ditopoti. Pintak ciek indak nan dikobuakan. Nan ikui Kukang olah tandeh. Sohinggo sampai kini Kukang malu kolua siang, comeh kolua malam…

Nan suaro lah abih… dek moarok-on urang..                                    Apolah nan ka disobuk leh..

Loloklah ang leh Rang khasok kho ciek, nyo inyiek Deen sambie mongonak-an jilbab nan di agih urang kotu Pemilu detu..

Tu Deen lah tokapaaa….

Penulis Mulyadi.

Facebook Comments

Artikulli paraprakTiga Pemuda Pemerkosaan Anak Dibawah Umur Masih Berkeliaran 2021
Artikulli tjetërJelang Peringatan Hari Ibu ke 93 di Pasbar