Beranda Lapak Rang Kasok Udo Idap: Umpan Limbek

Udo Idap: Umpan Limbek

udo Idap
udo Idap jo pagawai kantua
“Lai jadi Udo Idap poi ma urus surek tu kapotang…”Nyo Rang Khasok khociek ka Udonyo.  “Lai nakan.. Tapi indak salosai do…” jawek Udo Idap.

“Bapo dek baitu, ado nan kurang persyaratannyo tu?” jonyo Rang khasok ba tanyo ka Udo Idap nyo tu. “indak…

Nyo Udo Idap . Apak nan di kantua tu sibuk bona, sobab banyak nan ka disalosaiannyo. Bitu jonyo apak tu ka Udo” .

“Nan lain kan banyak dlm kantua tu Apak apak jo ibuk ibuk leh, bapo dek ndak ka inyo Udo Idap mintak tolong?” jonyo Rang kasok.

“Apak apak nai lain tu jonyo Udo Idap  basilengah sajonyo, inyo sibuk main hp sajonyo..”

“Pakai baju apo Udo Idap potang poi kiun?” nyo Rang kasok ba tanyo ka Udo tu.

“Pakai baju itam..” jawek Udo Idap.

“Hey ye yei… Paaatuklah indak salosai…” jonyo Rang khasok.

“Pakai baju apo Udo tu handaknyo Rang kasok? Nak copek salosainyo…” jonyo Udo Idap batanyo.

“Pakai baju putih nan tipih, kainnyo agak jarang pulo handaknyo.. Copek salosainyo tu mah…” jonyo Rang khasok ka Udo tu.

“Bapo dek baitu..” tanyo Udo  heran.

“Kaniaklah Udo Dent bisiakan !.” kecek Rang kasok. Sambia ma irik tangan Udo, dan membisikan sesuatu.

Tampaknya tamakan dek Udo. Sahinggo Udo maonguak ongguak paham.

Bisuak malam. Dari jauah Udo lah golak.

“Bapo Do ?, lai salosai surek nan Udo Urus cako tu.?” tanyo Rang kasok.

“Salosai nakan… Iyo mantap jurus nan potang nakan sobuk tu…” kecek Udo golak.

“Bapo baitu?” jonyo Rang kasok batanyo ka Udo.

“Baru masuak Udo ka kantua tu, Udo baco asalamualaikum.. Apak apak tu lah abih madok. Langsuang Udo busuangan dado saketek.. Olun mangecek Udo lei, apak apak jo ibuk ibuk tu lah batanyo, “apo koba pak.. Apo nan ka kami bantu..” nyo inyo.” carito Udo basumangat.

“Tu bapo lei Do?” Tanyo Rang kasok ingin tau hasil lobiah lanjut.

“Lah dijaweknyo surek Udo dek ibuk tu, indak lamo do lah sudah surek tu sakali. Tapi Apak nan mongecek sibuk kapotang agak madok-madok sengeang saketek. Agak kecewa inyo tampak dek Udo..” kisah Udo melanjutkan.

“Ha bapo dek baitu do?” tanyo Rang kasok.

“Mungkin tabayang gaknyo pitih sirah nan di soku baju katiko udo busuangan cako..” nyo Udo, menduga.

“Haaiiih.. Tu bapo lei..?”nyo Rang kasok batanyo.

“Lah sudah surek, tu Udo lah permisi. Diiriangannyo dek ibuk tu Udo ko lua. Diantakannyo Udo sampai ka paga, elok bona ibuk itu..” kecek Udo.

“Ha.. Indak Udo agihan pitih sirah sirah tu ka inyo?” nyo Rang kasok ka Udo, memancing.

“Tapi potang nakan togahan, sobab inyo olah digaji dek negara tu mah. Horam tu mah pitih itu dimakan anak bininyo..  Disitu ado pulo merek, “Tugas kami melayani dengan prima..” kan bitu jonyo nakan potang?” jawab Udo.

“Hayolah ooolah Udo ley yeh… Tu bapo? lai Udo tengok roman ibuk tu sambia poi?” jonyo Rang kasok golak.

“Indak pulo do Nakan.. Udo lah monculin sajo leh…” jonyo Udo, diiringi golak mereka ba duo..

Penulis : Mulyadi Katinggian

Facebook Comments

Artikulli paraprakPembongkaran Rumah Dosen Unand, Zuldesni Dikawal 50 Polisi
Artikulli tjetërKekayaan Jenderal Andika Fantastis, Kalahkan Jokowi