Jo Bismillah awalnyo kato
Sholawat nabi rasul kito
Salam ka dunsanak ka sadonyo
Di ranah nan di rantau baitu juo
Niniek jo mamak baitu Pul
Alim Ulama baitu Pulo
Codiek Jo pandai lai Pul
Kok dibaco ka poi tompek batanyo
Pulang tompek babarito
Nan bak baringin tangah koto
Ganti pidoman dagang jauah
Batang tampek basan
Daun tampek balinduang
Badahan cupak jo gantang
Babuah rimbun dek adat
Baitu juo Angku Mal
Nan togak bapitua
Duduak bada awah
Suluahnyo Bendang ka sarugo
Panantukan dengan haram
Sarato sunah dengan mubah
Dietong pulo Codiek-pandai
Pandai batenggang di nan sompik
Tau diruncieng ka mancucuak
Jaleh ditajam malukoi
Nan Mudo disabuik juo
Nan capek kaki ringan tangan
Capek kaki indak panaruang
Ringan tangan Indak pamacah
Pa-apuih malu di kaniang
Palawan dunia di alek rami
Parik paga dalam kampuang
Panuntuik malu kok tacemo
Bundokanduang selendang dunia
Ka unduang-unduang ka Madinah
Ka payuang panji ka sarugo
Ambun puruak peti bunian
Nan panyayang ka urang tido
Nan paibo kurang lalu
Nan pangasieh ka yatim
Panyantun ka urang bansaik
Auih tampek mintak aie
Litak tampek minta nasi
Usah pandan dipaluluah
Bao ka pulau bilang- bilang
Usah badan diparusuah
Bao bagurau naknyo hilang
Jo kucindan kok lai hilang
Kok susah ka kito baco
Kok bansaik nan ka disabuik
Ibo bansaik induak anjiang
Awak kuruih kurok lah tibo
Susu lisuik maleo panjang
Ilie mudiek dipungkang urang.
Kok dipikie badan diri ambo
Awak ketek ba ayah tido
Lamo hiduik jadi anak yatim
Mandeh diharok tak baharato
Tasisieh kami dek urang banyak
Usah dek tido cako juo
Tinggi diambun hari malam
Godang dek singai Matohari
Mangaji indak sompat khatam
Sakolah olun sompat tamat
Untuang elok diri dek mandeh
Takona posan niniek-moyang
Sayangi molah nan banyawo
Elok ditanam sado nan bapucuak
Ditanam Sagalo duo
Ditanam toruang jo tomaik
Baitu juo lado jo jintan
Toruang jo rimbang baitu Pulo
Pario jo kambeh lai Pulo
Dibuek tobek jo tamtaman
Facebook Comments