Beranda Garitie Takicuah Di Nan Tarang

Takicuah Di Nan Tarang

Pagi itu Dent sodang duduak di kodai..

“Rank khasok khociak indak poi ka aula tu cako mandonga pidato Apak kito tu?” nyo Udo Dent.

“Rasulullah telah mengangkat kita dari alam kebodohan ke alam yang berilmu seperti sekarang ini adanya” pasti itu jonyo Bapak tu cako !  kan iyo Do?” nyo Dent.

“Iyo itu ! bapo dek tau nakan?” nyo Udo tu.

Urang codiak kalau lah pidato, umumnyo itu nan disobuknyo. Korono memang Rasulullah tu, marubah urang bodoh manjadi urang codiak, ntah ka indak nyo Udo tu ha?” nyo Dent.

“Bona Rasulullah…!” tapi, lai tau Rank kasok khociek apo beda urg bodoh jo urang codiak?” nyo Udo tu botanyo.

“Lai Do, kalau urang bodoh, indak tau do apo beda urang bodoh jo urang codiak.. kan iyo Do?” nyo Dent.

“Jan koreh bona leh Nakan, ndak Dent bayie pitih nakan nan potang beko leh..” nyo Udo tu agak ma ancam.

“Ntilah Do. Dek urang codiak tu, iyo indak obeh dek inyo mano nan hak urang dan mano hak inyo Do. Jan ka hak Dent leh, sadangkan Hak rakyat mah lai dilontuang nyo juo, ka cando apolah agaknyo nagori kitoko jadinyo. Tak ka indak nyo Udo tu ha?” nyi Dent.

Bongih Udo tu, dikopa an nyo tenjunyo madok ka Dent. “Manginyam iko Nakan sudahannyo bako leh ha..!” nyinyo.

“Tilah Do, sonjato urang bodoh tu, kan iyo marah mah, sonjato urang baraka cando Udoko, lah pasti soba, kan iyo bitu ndak?” nyo Dent.

Tu Udo tu lah ma ongguak…

“Rancak baju nakan yeh?” nyinyo mo alihkan pembicaraan.

“lai Do, tapi Dent kan Indak Urang BABAJU cando Udo ko do.. ” nyo Dent.

“Bialah.. Isuak Udo utangan baju rancak agak ciek untuak Nakan.. “Nyinyo.

Mondonga itu, Dent brensuk kolua… Tibo di lua Dent botanyo “Do… Prolu kito sokola tinggi bona, kalau untuak bo utang tuu?” nyo Dent.

“Apo nyaaaang…?” nyo inyo bongih.

Mondonga itu, Dent puntiang lari, bakpo nyo inyo ka ngoja?

Tilah nak dicibiannyo Dent dari baliak dindiang tu, apo juo leh…?

Sobab kopandaian urang awak ko, kebanyakan memang mancibie di nan kolam, atau manggarecak di baliak bukik sa nyeh.. Kan iyo Do?

Facebook Comments

Artikulli paraprakKapado bapak bapak ibu ibu, udo jo oncu, uwan dan akak, mamak dan kamanakan
Artikulli tjetërPadang Masuk 6 Nominasi Tertib Hukum Tingkat Nasional Tahun 2021