Beranda Lapak Rang Kasok Mak Rawi : Salah Konsep

Mak Rawi : Salah Konsep

mak Rawi
“Rang kasok khociek, apo lemu nakan, dek sampai baronti sajo lei pak dukun tu ma ubek urang..?” tanyo mak Rawi.

“Ndak ado lemu Den de mak Rawi!. Pak dukun tu mangecek maso inyo ba akuan dalam badannyo. Jadi nan ma ubek tu akuannyo sakotu marasukinyo. Nan inyo indak pandai do. baitu jonyo inyo mangecek ka Den, mak Rawi” joleh Rang kasok.

“Haa !  tu apo nan Rang kasok bisiakkan ka talingo pak dukun tu cako?” tanyo mak Rawi.

Batanyo sajonyo Dent ka Inyo nyeh mak .                                                              “ Pak dukun ! amal siapo nan ka dicatat malaikat ?, amal akuan tu, atau amal pak dukun?  Pak dukun mangecek indak tau jo nan pak dukun korojoan do. Bapo nyo malaikat ka mancatat?  Kok dicatat malaikat sabagai amal akuan tu,  nan bapakai, badan pak dukun?  Lai indak ka panik malaikat dek kojo pak dukun ko?

Karono lah mambuek panik malaikat, kok dikadukannyo beko pak Dukun ka Tuhan, , apo aka kito?. Baitu sajo nyo nan Dent bisiakkan ka talingo pak dukun tu mak`.                      Tu inyo lah pucek. Diguluangnyo barang barang nyo sakali, sambia permisi poi” jawek Rang kasok kociak santai.

“Yo lah olah leih.. Ado ado sajo kojo nakan nyo mah..” kecek mak Rawi.

“Ibo Dent nengok pak dukun tu mak. Beko kok inyo sadang bahubungan laki-bini, tau tau akuan tu masuak ka badan pak dukun, anak siapo nan ka lahia tu ?.                                                                                        Anak akuan atau anak pak dukun..? Tak ka indak nyo mamak tu ha?” jonyo Rang kasok.

“Barubah konsepnyo mah yo Nakan?” jonyo mak Rawi golak ta kekeh..

( Mulyadi )

Facebook Comments

Artikulli paraprakDP Akui Penyusun Peraturan Pers ada pada organisasi pers
Artikulli tjetërBadan Permusyawaratan Nagari Hadir di Komisi I DPRD Provinsi Sumbar