Beranda Garitie Kapado bapak bapak ibu ibu, udo jo oncu, uwan dan akak, mamak...

Kapado bapak bapak ibu ibu, udo jo oncu, uwan dan akak, mamak dan kamanakan

Kapado bapak bapak ibu ibu, udo jo oncu, uwan dan akak, mamak dan kamanakan, pokoknyo kasado nan mambaco tulisanko. Dent terlebih dahulu mintak mooh ta hadok kito nan basamo. Karono lah lancang pulo manulih di siko. Pado hal, nan Dent ko, indak bailemu do tontang tulih manulih ko.

Tapi samantang pun baitu. Dek kondak dari bapak Pimpred media ko disuruahnyo juo.

“Tulih sajolah dek Rang Kasok Khociek, untuang untuang paguno dek urang mambaco.” baitu kecek bapak Pimpred.

“Ndeh.. bapak Pimpred ado ado sajo nyo mah… lah sabanyak tu urang panulih gagah-gagah nan manulih, lai banyak juo nan indak manoek (Mempan-red), apo lai Dent nan indak sakola ko nan manulih? Sokola 1 duo tahun, sokola 2 limo tahun, tu Dent lah boronti. Lai lah ka laku? Apo lai kampuang Dent ten jauah pulo, sinyal di situ payah, namonyo sajo nogori IKK, Itan Kurang, inyak Kurang…” nyi Dent.

Pak Pimpred golak sajonyo. “Kecek ambo IKK tu pado kok Ibukota Kabupaten..” jonyo pak Pimred manyolo.

Jo nyo urang,”Bahasa menunjukkan bangsa” mako Dent tamasuak bangsa apo dan bangsa mano? Dent sorahan bulek bulek ka pembaco manduduakannyo. Kok lai untuang ka mujua, masuak tu mah Dent ka dalam etongan. Tapi kok indak? Mungkin ka bangsa dedemit atau antu balau nah dikalompokkan. Kan ndak rumik bona do tu.?

Mungkin itu sebagai mukadimah agak nyo daw. Kalau panjang bona beko kok duga pulo dunsanak mambaconyo. Kan iyo?

Mooh sajo di pabanyak, kok talontuang dek ka naiak tasipak dek turun, tando kiun tu mah Dent lalu. Sanak nongok pulo situ. Tapi kok indak kiun Dent lalu, sanak talontuang juo? Jan ka Dent sanak bongih ndak?

Kok iyo Dent lalu ka kiun, sanak indak di situ do, tasipak dek Dent sanak? Tando tamasuak urang qaramat tu mah agak nyo Dent nyak.Ntah ka indak nyo Sanak tu ha?

Lah tu dau.. Jo Bismillahirahmanirrahiim sajolah kito mulai dari Sarilamak ko…

Wassalam

Rank khasok Khociek

Facebook Comments

Artikulli paraprakKota Payakumbuh Geliat Kuliner di Malam Hari
Artikulli tjetërTakicuah Di Nan Tarang